tirsdag 5. september 2017

Nøtteliten av AnnAKa


Nøtteliten satt i toppen av eit tre...

Ein slik nydelig sang som var ein del av barndommen min. Tenk å være så lykkelig som nøtteliten, det unner eg alle barn. Når mønsteret til AnnAKa kom våren 2017 så visste eg med ein gang at dette hadde eg lyst til å sy. Under ser du originalen - og linken til mønsteret er her; Nøtteliten


Så var berre spørsmålet - kva stoffer skal eg bruke? Ofte er det slik at fra eg har bestemt meg for noko eg skal sy - til eg begynner - så kan det gå ei stund. Eg fekk inn i vinter nokre nydelige Fat Quartere i Halvlin - og etter ei tid så bestemte eg meg for å sy heile løperen i desse stoffene;


Er dei ikkje vakre? Nokre av dei er rein halvlin og nokre av dei har glitter i seg. Ein aldeles nydelig palett. Eg har no fått inn stoffene i metervis og du finn dei her; Halvlin Superpakke



Så var det berre å sette i gang - det er enkel applikasjon, så dette mønsteret passer kjempegodt for deg som enten vil sy ein løper på ein dag - eller for deg som er nybegynner. Dette er superlett - eg garanterer at dette vil du lett få til. Eg brukte Vlisesofix - det får du her; Vliesofix


Eg bruker når eg syr å finne eit bakstykke som matcher sånn høvelig til framsida. Dette nydelige blomstrete stoffet har eg hatt som panelgardiner for nokre år sidan, no gjer det nytten på Nøtteliten. 



Her ser du dei supersøte ekorna. Nokre enkle løv gir løperen enda meir liv. Dei kan lett bli brukt på eit krabbeteppe også.

Og her - det ferdige resultatet - eg er kjempefornøgd. No har eg hengt den opp i butikken og der ser den slik ut;




Deilig halvlin i friske farger. Og frister dei er du hjertelig velkommen til ein hyggelig handel!

Eg ønsker deg alt det beste!

Klem fra Desiree




lørdag 2. september 2017

Regnbuens toalettmapper - ei lita reprise

Om du har fulgt bloggen min så vil du merke at dette er kjent stoff.

I mai i fjor sydde eg dei finaste toalettmappene eg nåken gang hadde sydd. Eg brukte mønsteret til AnnAKa som heiter Annas Sminkepung - og det kan du finne her.

Straks eg hadde gitt dei fra meg - det var til to skjønne jenter som skulle konfirmere seg - så visste eg at desse måtte eg sy enda ein gang - og da til meg sjølv. Vel, det skulle ta eit og eit halvt år. Eg har solgt mange regnbuepanel sidan den gang - og framleis har eg av dei i butikken. Det er kan hende ikkje heilt opplagt kva ein kan sy av eit slikt - men eg er i alle fall superfornøgd med valget mitt.

Her skal du få sjå litt bilder fra prosessen desse dagane;

Her ser du panelet. Det er altså firkanter av alle fargene i batikkserien 1895 fra Hoffman. Først prøvde eg korleis det var å skjære av ei stripe for å så sy den på. Det fann eg ut av unødig arbeid. Så eg bestemte meg for å ikkje fortsette med det.

Her ser du korleis eg da skar midt i mellom firkantane. 

Stripa til venstre er den eg skar laus - medan den til høgre der har eg berre bretta stoffet og sydd. 


Her ser du korleis det blir. Eg valgte altså å først sy på langs. 



Stripe på stripe på stripe. 

Her ser du korleis det blir når alle på tvers er sydd sammen. No skal eg kutte dei fra kvarandre og sy sammen så den kvite stripa forsvinn. 





Og da er det berre å sy dei sammen. Stryk dei slik at dei går kvar sin vei, da blir det ikkje så tjukt med sømmar. 

No har eg delt stykket i to, og sydd sammen den delen i dei varme tonane. Eg quilter med blank tråd, det er det fineste synest eg når det er så mange farger ellers. 


Her ser du den blå delen. Den er ei stripe mindre enn den røde, så da blir den toalettmappa også litt mindre. 


 Her ser du forskjellen på den blå delen og den rosa delen. Den rosa delen har fått på seg glidelås og er no klart til å bli sydd sammen.


Her er den blå - eg er superfornøyd! 


Og her er den rosa. Svært fornøgd med den også. Og desse skal ikkje ut av huset. Eg har prøvd å kjenne etter på kor mykje eg skulle hatt for dei om nokon ville kjøpe - og eg trur faktisk at eg ikkje hadde gått under 1000 kroner pr stk. Om nokon vil betale det er noko heilt anna. Men slik er det i alle fall for meg. 

Fekk du lyst på regnbuepanelet? Du finn det her; Regnbupanel

Håper dette innlegget inspirerer deg til å sy med farger. 

Klem fra Desiree






torsdag 31. august 2017

Sommaren 2017 Norway Cup og gutter uten leggskinn

Dette har vore ein innhaldsrik sommar. Vi har hatt fire sammenhengande veker med ferie - det vil sei - dei to første da hadde vi besøk fra USA, så på meg vart det litt jobb innimellom. Så var vi ei veke på NorwayCup og til sist ei veke i syden. Her skal du få sjå litt av lappeteknikken som har vore med meg. 

Det første er dei fine sommarfuglbrikkene som AnnAKa designa i sommar. Dei er sydd i stoffene fra serien Marcella som du finn her. Eg vart veldig nøgd med lukkekantane der eg har brukt Kona Cotton i ulike sjatteringer. Lukkekantane sydde eg til i Parga, Hellas. Eg vart godt kjent med resepsjonisten og det enda med at eg gav fire brikker til henne. Ho budde veldig spartansk. Den eine kvelden satt vi på verandaen hennes og snakka om draumane våre. Det var ein magisk kveld. 


Norway Cup var ein stor opplevelse. Desiree's Lappeteknikk spanderte frukta på laget dei fem kampane vi spelte. 
                                         

Mandag på Norway Cup var eit av høgdepunkta. Vi skulle spele mot eit lag fra Nepal. Litt ut i kampen ser eg at få av spelarane har leggskinn eller leggbeskyttere. Eg tenkte med ein gang at her har Desiree's Lappeteknikk sjangsen til å gjere ei god gjerning. Så eg gjekk til G-Sport teltet og spurte om dei kunne tenke seg å være med å sponse leggskinn til laget fra Nepal. Eg fekk 60% rabatt og kunne neste dag overreke leggskinn til alle. Dei vart kjempeglade!


Ingen tvil om at det var vel anvendte pengar. Og laget vi sponsa frukt til kom til åttendedelsfinalen og var veldig fornøye. 

Etter ei innhaldsrik veke vendte vi nasa mot Parga. 

På hotellet i Parga hadde vi veranda. Der satt eg ofte og skreiv i boka mi. Eg har alltid med lappeteknikk når vi er ute og reiser, og ekstra kjekt var det da å sitte om morgonen og sjå utover det vakre landskapet. 



Tilbake til Norway Cup. Her sitter eg og syr lukkekanten medan Inge spionerer på eit lag vi skulle møte seinere på dagen. Vi hadde godt vær mest heile tida. Litt regn av og til men ikkje meir enn kva vi kunne godt tole.



På Norway Cup fekk vi nokre gode handlevesker. Vi brukte dei på stranda i Parga. Dei var litt tynne i hankane, så når eg kom heim sydde eg ekstra slik at dei ikkje skulle være så vonde på skuldra.

Ein av dei tinga eg bestemte meg for i sommar var at i haust ville eg gå litt meir i fjellet og også at eg skulle sy mykje mykje meir. Her ser du bilde fra turen vår til Kvamsstølsvatnet og ei lita brikke med flyvende gjess. Enkel og igjen med Kona Cotton.


Som alltid håper eg at du blir inspirert til å gjere noko fint for deg sjølv når du les blogginnlegget. 

Hugs, du er alltid velkommen i nettbutikken - www.lappeteknikk.no 

Gode nyheter er at vi jobber med ny nettbutikk og eg håper at før året er omme så er den på plass. Inntil da får vi baske på med det vi har. Masse flotte lekre stoffer er å finne - så er det opp til deg å finne tid til å sy. 

God klem fra Desiree

tirsdag 14. mars 2017

Vårlig løper med stoffer fra Hazelwood



I helga sydde eg ein løper til salongbordet vårt. Vi har eit gammel salongbord fra 70-tallet som eg har kjøpt brukt på Østlandet ein plass. Det er kjempefint, med plass til blader og bøker under. Kvar gang eg syr ein løper til det så må eg måle kor stor den skal være. Denne gangen laga eg meg eit papir med størrelsen, da var det lett å legge blokkene på etter kvart for å sjå korleis eg måtte justere underveis.

Denne helga var eg på dag 3 og 4 av ti-dagers fasten min, det kan du lese om i denne bloggen;

Og i forbindelse med faste vart eit glas vatn det eg kosa meg med ved sidan av syinga. Vatn skal ein ikkje kimse av - kroppen er veldig takknemlig for eit glas vatn.


Her ser du utgangspunkta for løperen. Eg elsker å blande sammen einsfarga Kona Cotton stoffer med andre stoffer. Eg sydde stjerner i litt ulike varianter og fylte ut feltene med stoffer fra samme pakke.


Sidan eg faster - og ikkje et - så måtte eg nesten pynte med eit sunt eple.
Stoffene i serien Hazelwood finn du her;


Håper du har det bra der du er - at vinteren slepp taket og at du kan glede deg over lysere tider.

Klem fra Desiree




søndag 5. mars 2017

Korleis applikere på ein enkel måte - super for deg som er nybegynner :-)

For ei tid tilbake sidan så fekk eg ein forespørsel om eg kunne lage ein video som
viste korleis ein applikerer på ein enkel måte.

Først no så forklarer eg litt med tekst og bilder - og så kjem det lenger nede ein video med samme forklaringa. Nokre lærer best når ein ser det i ein tekst - andre i ein video - så her får du begge deler.

Det første du treng er eit limpapir som heiter Vliesofix. Det sel eg i nettbutikken på rull. Dvs i ein rull så får du to lengder som måler 250 cm og bredda er ca 45 cm. Du finn det her. Vliesofix.

Så treng du eit mønster som inneheld tegninger til applikasjon, eller du kan også tegne dine eigne mønstre. Steg to er at du legg vliesofixen på mønsteret du skal bruke, og hugs å ha den limete sida ned og tegn på papirsida.

Eg tar utgangspunkt i mønsteret Hjertegod - enten finner du det på syrommet ditt - eller du finner det her. Hjertegod.

Som du ser så tegner eg langs streken. Når eg har gjort det klipper eg ut ca 1 cm eller meir utanfor den oppstreka linja. Så limer eg det på baksida av stoffet eg skal bruke;


Når det er limt på på baksida av stoffet så klipper du langs linja.

Så klipper du altså ut hjertene - eit eller fleire alt etter kva du skal sy. Når det er gjort så ser du i filmen korleis eg så går fram;

Film om korleis du applikerer

Her ser du dei to hjerta eg har laga - eg vil påstå at det som har det skarpe rosa i midten er det finaste. Det har noko med å få fram stoffa som er brukt.



Og så til sist heile løparen - om det er slik den blir til slutt veit eg ikkje. Eg kjem til å legge den til sides og sjå kva som skjer. I mellomtida har eg noko anna eg skal sy.

Men her er så langt eg er komt. Eg er superfornøgd med det graderte stoffet - det har eg i mange farger i butikken - Boysenbær Stjernehimmel Det eg gjorde var at eg på den smale stripa kutta det på midten og sydde det sammen i den mørke enden. Da fikk eg mørkt i midten og lyst på kanten.


Så får vil sjå kva som skjer. Om det kjem meir på, om eg beheld det som det er. Eg trur kan hende eg tek av det eine hjertet - det som er nederst. Men det er heilt ok det også. Når det gjeld dei grå stoffa brukte eg noko eg hadde. No skal eg rydde opp og sy nokre saumar på neste prosjekt.

Tusen takk for at du las bloggen min - og still gjerne spørsmål om noko er uklart.

MVH Desiree

Og no - 2. april og det er gått nesten tre veker. Tida har rast av garde og eg føler eg har mest ikkje vore på syrommet. Slikt skjer attiblant når andre ting tek tida mi.

I alle fall - eg landa i dag på å gjere ferdig Hjertegod - løperen. Eg gjorde masse feil - som eg skal fortelle deg om så du skal sleppe å gjere dei samme feila.



Eg fann ut at eg skulle gjere noko superlurt. Det var å stryke vliselin på baksida av hjertene - det var lurt, men det som ikkje var lurt var at eg strauk berre småbitar på. Eg tenker det beste hadde vore om eg hadde strøke det på heile det graderte feltet. Kvifor vil du sjå på neste bilde;

Ser du her at det går an å sjå firkantane gjennom stoffet? Dette hadde eg nok unngått hadde eg strøke vliselinen på heile stoffet i staden. Vel vel - denne duken blir som den blir. Og det kan hende at når eg gjer dette - så unngår du å gjere det.

Vidare er det noko også som kan skje;
Her hadde eg ikkje strøke vliselinen fast nok på. Så når eg quilta rundt hjertet bretta det seg. Eg merka det ikkje før etterpå. Eg lar det være som det er - og eg har lært ei lekse.

Eg laga min vri på løparen, og lot det på kvar side være eit hjerte med to inni, så eit hjerte med eit inni og så nokre enkelthjerter. Her ser du korleis eg har quilta.

Og her ser du heile løperen. Kun no lukkekanten som gjenstår. Det blir ein dag eg vil sitte og slappe av i godstolen og høyre på noko fint på øret.

Og om du lurer på om eg blir arbeidsledig med det første? Her ser du dei tre prosjekta eg jobbar med.

Bunken til venstre er stoffer fra serien Rainy Day, det skal bli det første krabbeteppet eg syr. Ingen er gravide enda, men eg har gledd meg slik til å sy krabbetepper - så eg skal "Sy mens eg kan" etter inspirasjon fra den flotte artikkelen i sist medlemsblad til Norsk Quilteforbund. Så i midten ein bunke med linstoffer. Det er restene etter løperen eg sydde denne veka - eit mønster etter AnnAKa som heiter Nøtteliten. Eg tenker å sy nokre fleire ting - det er halvlin som eg driv og venner meg til.
Og heilt til venstre bunken med stoffer til kjøkkenkappene. Eg har sydd berre tre kapper, men er i gang med to stk i log cabin. :-)

Håper at du fann innlegget nyttig - og at du får kosa deg ved symaskina.

Klem fra Desiree